Florian Wirtz hefur verið staðfestur sem nýr leikmaður Liverpool en hann kemur til félagsins frá Bayer Leverkusen.
Þessi félagaskipti hafa legið í loftinu undanfarnar vikur en um er að ræða afskaplega öflugan sóknarsinnandi miðjumann.
Wirtz gerir fimm ára samning við Liverpool en hann mun kosta enska félagið allt að 116 milljónir punda.
Wirtz er dýrasti leikmaður i sögu úrvalsdeildarinnar en það var áður Enzo Fernandez sem spilar með Chelsea.
Þjóðverjinn segist vera spenntur fyrir komandi áskorunum á Englandi og viðurkennir að hann hafi viljað upplifa eitthvað nýtt á sínum ferli.
