Jón Þór Hauksson lét af störfum sem þjálfari ÍA í dag en liðið situr á botni Bestu deildarinnar, ákvörðun um þetta var tekin eftir tap gegn Aftureldingu í gær.

ÍA er á sínu öðru ári í Bestu deildinni, liðið barðist um Evrópusæti á síðustu leiktíð en hefur misst flugið.

Gunnar Heiðar Þorvaldsson þjálfari Njarðvíkur er sá maður sem er nú mest orðaður við starfið, hann er búsettur á Akranesi.

Gunnar hefur stýrt Njarðvík í rúm tvö ár og gert mjög góða hluti þar, liðið situr í öðru sæti Lengjudeildarinnar.

Vilji Skagamenn sækja í reynslu eru nokkrir kostir án starf, helst ber að nefna Arnar Grétarsson sem hætti með Val síðasta sumar. Hann hefur fengið nokkur tilboð eftir það en ekki tekið neitt.

Sigurður Ragnar Eyjólfsson er án starf, hann hefur mikla reynslu. Jóhannes Karl Guðjónsson fyrrum þjálfari liðsins hefur verið nefndur til sögunnar, Jón Þór tók við ÍA þegar Jóhannes Karl hætti með ÍA árið 2022 til að taka við starfi aðstoðarþjálfara landsliðsins. Jóhannes starfar nú hjá AB í Danmörku.