Reksturinn hjá KSÍ er á áætlun ef miðað er við fyrstu mánuði ársins. Þriggja mánaða uppgjör var kynnt á síðasta stjórnarfundi.
Nokkrir kostnaðarliðir voru ræddir en þeir koma til sögunnar í sumar, þar á meðal er þáttaka Íslands í úrslitakeppni EM kvenna.
„Bryndís Einarsdóttir fjármálastjóri KSÍ fór yfir 3 mánaða uppgjör sambandsins. Reksturinn er á áætlun. Stjórnarmenn ræddu nokkra liði í ársáætlun sérstaklega, þ.á.m. kostnað við að halda mót/riðla yngri landsliða og kostnað við úrslitakeppni EM A landsliða kvenna,“ segir í fundargerð KSÍ.
KSÍ hefur verið að taka nokkuð til í rekstri sínum en Þorvaldur Örlygsson er á sínu öðru ári í starfi formanns. Hann gæti á næsta ári þurft að sækja um endurkjör ef einhver fer fram gegn honum.
