Eins og fram hefur komið leikur U21 landslið karla tvo æfingaleiki í Egyptalandi í júní. Áður höfðu verið staðfestir leikir við heimamenn 6. júní og Kólumbíu 9. júní.
Af óviðráðanlegum orsökum hafa Egyptar þurft að draga lið sitt til baka og mætir egypska liðið ekki því íslenska 6. júní.
Skipulagsaðilar leikjanna hafa brugðist hratt við og í stað fyrrgreinds leiks við Egypta mun íslenska liðið mæta liði Brasilíu (á sama leikstað) 5. júní. Leikurinn við Kólumbíu færist einnig fram um einn dag og verður því 8. júní.
