Leikmenn Reynis frá Hellissandi og Uppsveita minntust Víglundar Þorsteinssonar, drengsins unga sem lést af slysförum í Hvítá í Árnessýslu í síðustu viku.
Liðin mættust í 5 deild karla í gær en leikið var í Ólafsvík
Víglundur var leikmaður Uppsveita en hann var tíu ára gamall þegar hann féll út í Hvítá.
„Við spiluðum með sorgarbönd í dag til minningar um Víglund Þorsteinsson, iðkanda og stuðningsmann sem lést í hræðilegu slysi í liðinni viku. Við viljum benda öllum stuðningsmönnum á söfnunarreikning sem hefur verið stofnaður í umsjón Kvenfélags Hrunamanna til styrktar fjölskyldunnar í Haukholtum,“ segir í færslu Uppsveita.
Styrktarreikningurinn:
Rn: 0325-22-001401
Kt: 700169-7239
