Jermaine Jenas fyrrum leikmaður enska landsliðsins og Ellie Penfold eru skilin eftir 16 ár saman, hún ákvað að slíta sambandinu en hann vildi það ekki. Jenas var rekinn frá BBC í Bretlandi fyrir að klæmast í samstarfskonu sinni.
Jenas fór langt yfir strikið í þessum samtölum við konuna en hann segir þessi skilaboð til samstarfskonu ekki ástæðuna fyrir skilnaðinum.
,,Ég hætti ekki að hugsa um þessar myndir af þér þegar þú sendir þær. Þegar þær berast þá hugsa ég með mér… Loksins fæ ég að sjá þennan líkama,“ á Jenas að hafa sagt við konuna
Nokkrum dögum seinna þá sagði konan Jenas að hún og vinkona sín ætluðu að skemmta sér á ströndinni og hafði hann þetta að segja:
,,Allt í lagi… Ég vil sjá þig í bikiní, þú getur ekki skammað mig fyrir það.“
Jenas tjáði sig um skilnaðinn í fyrsta sinn í vikunni. „Þetta var hennar ákvörðun sem ég varð að taka, ef þetta hefði verið undir mér komið þá hefði ég bara verið óhamingjusamur til að geta verið með börnunum mínum alla daga,“ sagði Jenas.
Jenas hefði frekar kosið það að þau myndu búa áfram saman svo hann gæti verið með börnunum sínum á hverjum degi.
„Ef ég vakna með börnunum mínum á hverjum degi þá er ég sáttur, ég ætlaði að vera óhamingjusamur bara til að geta verið heima hjá mér. Hún vildi það ekki og við fórum í sitthvora áttina.“
„Hún skilur það samt að við verðum að gera það sem er best fyrir börnin okkar. Það er erfitt að hitta þau ekki alla daga.“
Jenas þvertekur fyrir að perraskapur hans hafi orðið til þess að Ellie sparkaði honum.
„Hún hætti ekki með mér vegna þess að ég sendi einhver nokkur skilaboð. Við höfðum átt okkar vandamál lengi, við erum vinir því með því getum við unnið saman að uppeldi barnanna okkar. Við áttum sextán frábær ár saman.“
