Cristiano Ronaldo, einn besti leikmaður sögunnar, var nálægt því að ganga í raðir Arsenal.
Ronaldo greindi sjálfur frá þessu í dag en hann var eftirsóttur ungur leikmaður Sporting fyrir mörgum árum.
Áður en Ronaldo samdi við Manchester United þá hafði hann rætt við Arsene Wenger, stjóra Arsenal.
,,Við vorum í sambandi við svo mörg önnur lið. Valencia var til dæmis eitt þeirra,“ sagði Ronaldo.
,,Ég hitti Arsene Wenger og var við það að fara til Arsenal. Ég ræddi við Barcelona, Real Madrid og Inter.“
,,Eftir vináttuleikinn við Manchester United þá sýndu þeir mér enn meiri áhuga og það gerðist svo hratt fyrir sig.“