Jóhann Berg Guðmundsson og félagar í Burnley upplifðu grátlegt tap í ensku úrvalsdeildinni í dag.
Jói Berg var í byrjunarliði Burnley sem fékk Leicester í heimsókn á Turf Moor.
Leicester spilaði með 10 menn nánast allan leikinn en Harry Maguire fékk að líta rautt spjald eftir fjórar mínútur.
James Maddison kom þrátt fyrir það liði Leicester yfir áður en Dwight McNeil jafnaði fyrir heimamenn stuttu seinna.
Það var svo Wes Morgan sem sá um að tryggja Leicester öll stigin með marki á 90. mínútu og þar við sat.
West Ham vann ótrúlegan sigur á Huddersfield á sama tíma þar sem gestirnir í Huddersfield voru með 3-1 forystu er 15 mínútur voru eftir.
Angelo Ogbonna lagaði stöðuna fyrir heimamenn á 75. mínútu og útlitið ekki svo svart.
Framherjinn Javier Hernandez tók þá til sinna ráða og skoraði tvö mörk undir lok leiksins og tryggði West Ham magnaðan 4-3 sigur.
Það var einnig dramatík í þriðja leik dagsins er Bournemouth fékk Newcastle í heimsókn.
Þar var Bournemouth með 2-1 forystu þar til á 94. mínútu leiksins er Matt Ritchie jafnaði fyrir Newcastle og jafntefli niðurstaðan.
Burnley 1-2 Leicester
0-1 James Maddison(33′)
1-1 Dwight McNeil(38′)
1-2 Wes Morgan(90′)
West Ham 4-3 Huddersfield
1-0 Mark Noble(víti, 15′)
1-1 Juninho Bacuna(17′)
1-2 Karlan Ahearne-Grant(30′)
1-3 Karlan Ahearne-Grant(65′)
2-3 Angelo Ogbonna(75′)
3-3 Javier Hernandez(84′)
4-3 Javier Hernandez(91′)
Bournemouth 2-2 Newcastle
0-1 Salomon Rondon(45′)
1-1 Josh King(víti, 45′)
2-1 Josh King(81′)
2-2 Matt Ritchie(94′)