Hin beinskeytta Saga Noren á leðurbuxunum er skrítnasta og skemmtilegasta lögga sem sést hefur í sjónvarpi. Þriðja þáttaröðin af Broen er sýnd á RÚV öll mánudagskvöld. Veisla fyrir unnendur norrænna glæpasagna.
Þótt það sé ekki nema eitt markmið á viku. Til dæmis að fara fyrr að sofa, drekka meira vatn, fara út að ganga. Skrifa hvert markmið niður og fylgja svo eftir bestu getu án þess að allt fari á hliðina ef þér tekst það ekki.
Það var löngu tímabært að Íslendingar kynntust Póllandi betur en Pólverjar eru jú stærsti innflytjendahópurinn hér á landi. Helgarferðir til helstu borga í Póllandi eru það heitasta í dag enda fær maður mikið fyrir peninginn.
Hugleiðsla og núvitundariðkun er eitthvað sem margir pæla í þessa dagana. Með HeadSpace-appinu getur þú hent þér í hugleiðslu hvar og hvenær sem er og valið sérstakar hugleiðslur fyrir t.d. kvíða, streitu, svefnleysi og svo framvegis. Prófaðu. Það kostar ekkert!
Það lífgar svo upp á skammdegið að kveikja á ilmkerti og leyfa því að loga á skrifborðinu meðan þú situr við tölvuna í vinnunni. Góð lykt og falleg birta geta gert gæfumuninn.
