Orri Sigurður Ómarsson, leikmaður Vals, var að vonum sáttur í kvöld eftir 4-1 sigur liðsins á Fjölni. Valur fagnar Íslandsmeistaratitlinum í kvöld.
,,Þetta er klárlega verðskuldað. Við erum langbesta liðið á þessu landi,“ sagði Orri Sigurður.
,,Við erum ekki alveg nógu sáttir með spilamennskuna í sumar, mér finnst við hafa spilað betri og skemmtilegri fótbolta síðustu tvö ár.“
,,Núna var það vörnin sem hélt. Við fórum mikið í það í undirbúningstímabilinu og það virkaði svo sannarlega núna.“
