Andri Rúnar Bjarnason, leikmaður Grindavíkur, var að vonum ánægður í kvöld eftir 3-1 sigur á ÍBV. Andri gerði tvö mörk í leiknum.

,,Það fer að koma að ég fái hundleið að vera alltaf í viðtölum! Nei nei, þetta er svosem allt í lagi,“ sagði Andri.

,,Við vorum mjög góðir í fyrri hálfleik en það dró af okkur í seinni og ég held að við höfum ekki fengið færi.“

,,Við erum spurðir viku eftir viku hvort við höfum trúaað því fyrir tímabilið að við yrðum hérna. Það var held ég enginn sem bjóst við þessu.“

Aron Freyr Róbertsson þurfti að fara í klippingu eftir leik en hann tapaði veðmáli sem gert var fyrir mót.

Meira:
Myndband: Aron tapaði veðmáli – Taglið klippt af

,,Þessi Joe and the Juice kynslóð eru allir með eitthvað djöfulsins tagl þarna við tókum eitt veðmál við Aron að ef við værum með 15 stig eftir 8 umferðir þá myndi þetta fjúka.“