Pape Mamadou Faye, leikmaður Víkings Ó, var ánægður með spilamennsku liðsins í kvöld í 1-1 jafntefli gegn Fjölni.

,,Þetta gat dottið báðum megin. Þetta var mikill baráttuleikur en við erum sáttir með þessi stig sem við fengum,“ sagði Pape.

,,Þetta hefur ekki gengið vel hjá okkur í sumar og okkur langaði að gefa þeim leik og það gerðum við svo sannarlega í kvöld.“

,,Það eru margir góðir leikmenn í þessu liði en því miður var ekkert undirbúningstímabil fyrir allt liðið og eins og sást söfnuðum við í lið rétt fyrir mót.“

,,Þetta var fínt en það var mikið um hlaup. Við tækluðum þetta ágætlega. Ég veit ekki hvort við höndlum þetta kerfi í 90 mínútur.“