Gunnar Már Guðmundsson, leikmaður Fjölnis, var svekktur með að ná ekki að klára tíu menn ÍBV í Vestmannaeyjum í kvöld.

,,Við erum klaufar að klára ekki leikinn, við erum megnið af leiknum manni fleiri og áttum að klára hann,“ sagði Gunnar.

,,Við vorum ekki nægilega beinskeyttir, annað hvort vorum við bara að skjóta beint í markvörðinn eða hann var bara vel staðsettur.“

,,Við getum lagað endahnútinn. Við þurfum að skapa okkur hættulegri færi en við spiluðum vel en það vantaði markið.“

,,Allan seinni hálfleikinn fékk markmaðurinn að liggja í grasinu og tefja að vild og uppbótartíminn var ekki í samræmi við það.“