„Þetta var jafn leikur framan af fannst mér,“ sagði Brynjar Ásgeir Guðmundsson, leikmaður Grindavíkur eftir 4-0 tap liðsins gegn KR í dag í úrslitum Lengjubikarsins.
Það voru þeir Óskar Örn Hauksson, Tobias Thomsen og Ástbjörn Þórðarson sem skoruðu mörk KR í leiknum en sigurinn var afar sannfærandi.
„Þeir skora eftir aukaspyrnu og 1-0 í hálfleik. Svo setja þeir annað markið eftir mistök hjá okkur og þá er leikurinn í raun búinn.“
„Þeir settu hápressu á okkur og eru góðir í því og við vorum kannski ekki á okkar degi en við lærum klárlega af þessu.“
„Þetta var síðasti leikur fyrir mót og bara fínt fyrir okkur að fá svona lexíu.“
Viðtalið í heild sinni má sjá hér fyrir ofan og neðan.
