Sjálfstæðismenn eru bjartsýnir á árangur í næstu borgarstjórnarkosningum og telja víst að Dagur B. Eggertsson verði ekki næsti borgarstjóri í Reykjavík. Innan Sjálfstæðisflokks eru þó áhrifamenn sem telja nauðsyn á endurnýjun innan borgarstjórnarflokks Sjálfstæðismanna. Þar er horft til Höllu Tómasdóttur, fyrrverandi forsetaframbjóðanda, sem næsta leiðtoga. Engar sögur fara af því hvort Halla sé til í þann slag en hún myndi örugglega ná að sanka að sér fylgi. Halldór Halldórsson, leiðtogi Sjálfstæðismanna í borginni, er ekki sagður líklegur til að gefa eftir sæti sitt, enda sér hann möguleika á borgarstjórastólnum. Fullyrt er að Kjartan Magnússon hafi sömuleiðis áhuga á að leiða flokkinn í næstu borgarstjórnarkosningum. Hörð barátta gæti því orðið um leiðtogasætið.