„Þetta er einn reyndasti knattspyrnumaður landsins og ég held að það séu fáir sem eiga leiki í jafn mörgum löndum og unnið titla í jafn mörgum löndum,“ sagði Logi Ólafsson, þjáfari Víkings Reykjavíkur á blaðamannafundi í Víkinni í dag.

Sölvi skrifar undir þriggja ára samning við félagið og mun því leika með liðinu til ársins 2020, í það minnsta.

Þessi 33 ára gamli varnarmaður á að baki afar farsælan feril sem atvinnumaður en hann kom til Djugarden frá Víkingum árið 2004 þar sem hann hóf atvinnumannaferilinn.

„Hann var í landsliðinu hjá mér þegar að ég þjálfaði það á sínum tíma og ég þekki hann mjög vel. Ég hef alltaf fylgst vel með íslenskum fótboltamönnum erlendis, ég var í sambandi við hann áður en hann fór til Kína og lagði mikið kapp á að fá hann hingað.“

„Deildin hefur breyst mikið síðan hann var hérna síðast og ég held að hann geri sér grein fyrir því að hann er ekki að fara koma hingað og gera þetta með vinstri fæti,“ sagði Logi m.a.

Viðtalið í heild sinni má sjá hér fyrir ofan og neðan.