„Það er bara mjög ánægjulegt og mikill léttir að vera búinn að klára þetta og núna get ég bara byrjað að einbeita mér að fótboltanum,“ sagði Pálmi Rafn Pálmason, miðjumaður KR á blaðamannafundi liðsins í Vesturbænum í dag.

Pálmi hefur ákveðið að framlengja samning sinn við félagið til næstu tveggja ára en hann hefur spilað með KR síðan árið 2015 og verið fyrirliði liðsins, undanfarin ár.

„Það er langt síðan tímabilið kláraðist og ég varð samningslaus en þetta hafðist að lokum og ég er ánægður með það, þetta hafðist að lokum.“

„Þetta snerist ekki um launin, það var ekki það sem að dró þetta á langin en maður er að eldast og hlutirnir breytast.“

Viðtalið í heild sinni má sjá hér fyrir ofan og neðan.