Sara Björk Gunnarsdóttir, leikmaður íslenska landsliðsins, er að vonum spennt fyrir komandi verkefni Íslands í Hollandi.

Íslands hefur leik á EM í Hollandi eftir fimm daga en fyrsti leikurinn er gegn stórliði Frakklands.

,,Við erum búnar að æfa mjög vel og það er ótrúlega mikil einbeiting en samt fiðringur og spenna í maganum,“ sagði Sara Björk.

,,Við erum klárlega tilbúnar. Við höfum æft vel og Freysi hefur farið yfir marga hluti og við vitum allar okkar hlutverk.“

,,Það hefur verið extra mikið áreiti á okkur en ég held að maður þurfi að taka því á jákvæðan hátt og nota það sem hvatningu.“

,,Það má ekki setja mynd á Instagram, maður þarf að passa sig. Við þurfum að passa okkur hvað við setjum inn og hvað við erum að læka.“

,,Frakkar eru með eitt sterkasta landslið í heimi og eru með frábæra leikmenn. Með okkar hugarfar og mentality og varnarleik þá munum við vinna þær.“