Bandaríski auðkýfingurinn Leon Cooperman hefur aukið hlut sinn í Manchester United samkvæmt fréttum frá The Independent.

Cooperman, sem er 82 ára gamall, keypti um 900 þúsund hluti í félaginu haustið 2023 þegar Sir Jim Ratcliffe var að undirbúa yfirtöku á hluta félagsins.

Nú á hann yfir 2,9 milljónir hluta í Manchester United.

Það jafngildir um 5,2 prósenta eignarhlut í svokölluðum A-flokks hlutum félagsins.

Verðmæti eignarhlutarins er talið nema yfir 50 milljónum bandaríkjadala.

Manchester United hefur verið mikið í sviðsljósinu undanfarin misseri vegna breytinga á eignarhaldi og fjárhagsmála félagsins.

Aukinn hlutur Cooperman undirstrikar áframhaldandi áhuga bandarískra fjárfesta á félaginu, sem er eitt þekktasta og verðmætasta knattspyrnufélag heims.