Michael Carrick, mætti til starfa á æfingasvæði Manchester United í Carrington á þriðjudagsmorgun.
Carrick, sem er 44 ára gamall fyrrverandi miðjumaður United, hafði betur gegn Ole Gunnar Solskjær í baráttunni um starfið og sást aka á staðinn á Land Rover Defender.
Hann mun nú hefja skipulagningu ásamt sínu þjálfarateymi í von um að snúa gengi liðsins við út tímabilið.
Fyrrverandi aðstoðarlandsliðsþjálfari Englands, Steve Holland, mun taka við hlutverki aðstoðarþjálfara og verða númer tvö hjá Carrick á Old Trafford. Þá munu Jonathan Woodgate, Jonny Evans og Travis Binnion einnig vera hluti af þjálfarateyminu.
Manchester United náði samkomulagi við Carrick á mánudagskvöld eftir að Ruben Amorim var rekinn í síðustu viku. Félagið hefur ekki enn tilkynnt Carrick formlega, en staðfesting er talin berast á næstunni ásamt kynningu á þjálfarateymi hans.
