Bruno Fernandes, fyrirliði Manchester United, hefur útskýrt hvers vegna hann ákvað að hafna risatilboði og vera áfram hjá félaginu síðasta sumar.
Fernandes var sterklega orðaður við félagaskipti til Sádi-Arabíu þar sem um var að ræða gríðarlega háar fjárhæðir. Hann segir þó að fjölskyldan, og sérstaklega eiginkona hans, hafi haft úrslitaáhrif á ákvörðunina.
„Ég fann að ég ætti enn eitthvað eftir að gefa félaginu,“ sagði Fernandes. Hann bætti við að eiginkona hans hafi spurt hann hvort hann hefði þegar náð öllum sínum draumum.
„Þessi spurning lét mig átta mig á því að við vorum á sömu blaðsíðu,“ sagði hann.
Fernandes lagði áherslu á að þau vildu ekki endilega verða ríkust, heldur ná markmiðum sínum og lifa góðu lífi.
Hann ákvað því að halda áfram á Old Trafford.
