Wrexham hefur undanfarin ár byggt upp gífurlega stóran aðdáendahóp víða um heim, þar á meðal á Íslandi, sem bregður einmitt fyrir í grein BBC um málið.

Wrexham er frá Wales en hefur liðið prjónað upp enska deildarkerfið síðustu ár, í kjölfar þess að Hollywood-leikararnir Ryan Reynolds og Rob McElhenney keyptu félagið. Wrexham er nú í B-deildinni, sem stendur í umspilssæti um að komast í úrvalsdeildina.

BBC fjallar sem fyrr segir um áhugann á Wrexham langt út fyrir Bretland. Hjálpaði yfirtaka Reynolds og McElhenny ekki aðeins þar heldur einnig heimildarþættirnir Welcome to Wrexham, sem komu út í kjölfarið.

Félagið á nú aðdáendur í Noregi, Dúbaí, Íslandi og víðar og hefur það einnig haft mjög jákvæð áhrif á fjárhag félagsins, sem og borgarinnar.

Í umfjöllun BBC er meðal annars rætt við Íslendinginn Matthías Matthíasson, sem stofnaði aðdáendahóp Wrexham hér á landi.

„Þegar ég heimsótti Wrexham fyrst varð ég fyrst og fremst ástfanginn af fólkinu. Þetta er ótrúlegur bær með mikið af góðu fólki, sem skapar svo knattspyrnufélagið,“ segir Matthías.

„Ég finn mikla andlega tengingu við félagið og fólkið. Fótbolti er vinsælasta íþróttin á Íslandi og rétt eins og í Wrexham væru liðin ekkert án stuðningsmanna,“ sagði hann enn fremur.

Greinina í heild má nálgast hér.