David og Victoria Beckham sendu syni sínum Brooklyn afmæliskveðjur á samfélagsmiðlum þrátt fyrir ágreining innan fjölskyldunnar.

Brooklyn, sem er elsti sonur fyrrum Manchester United-stjörnunnar David Beckham og fyrrum Spice Girls söngkonunnar Victoria Beckham, vakti mikla athygli í janúar þegar hann birti langa færslu á samfélagsmiðlum þar sem hann gagnrýndi foreldra sína.

Þar hélt hann því meðal annars fram að þau hefðu reynt að skemma samband hans við eiginkonu hans, Nicola Peltz, sem hann giftist árið 2022.

Síðan þá hefur verið talið að samskipti Brooklyn við foreldra sína hafi verið lítil sem engin, en hann býr ásamt eiginkonu sinni í Beverly Hills í Kaliforníu.

Þrátt fyrir þetta sendu bæði David og Victoria honum opinberar afmæliskveðjur þegar hann varð 27 ára. David birti gamla mynd af fjölskyldunni í sundlaug og skrifaði. „27 í dag. Til hamingju með afmælið, Bust. Við elskum þig.“

Victoria birti einnig myndir af sér og syni sínum og skrifaði. „Til hamingju með afmælið Brooklyn, við elskum þig svo mikið.“

Brooklyn hefur enn ekki svarað kveðjunum opinberlega.