Sjónvarpsmaðurinn Richard Keys heldur því fram að hann hafi fengið upplýsingar um að Phil Foden eigi í erfiðleikum með kröfurnar sem fylgja því að vera leikmaður á allra hæsta stigi.

Foden hefur skorað 10 mörk og lagt upp fimm í deildinni á tímabilinu með Manchester City, en hefur undanfarið verið inn og út úr liðinu og byrjað aðeins einn af síðustu fimm leikjum í ensku úrvalsdeildinni.

Hann hefur ekki skorað síðan gegn Crystal Palace í desember og spilaði aðeins þrjár mínútur í 2-1 sigri á Newcastle United um helgina.

„Hvað hefur komið fyrir? Hann er klárlega ekki meiddur því hann er alltaf á bekknum þegar hann byrjar ekki,“ segir Keys.

„Munið þið þegar Guardiola var alltaf að tala um veikindi hans á síðustu leiktíð. Ég velti fyrir mér hvaða veikindi það eru.

Mér er sagt að Foden eigi erfitt með að ráða við þær kröfur sem fylgja því að vera knattspyrnumaðr á allra hæsta stiginu. Ef það er satt finn ég til með honum og vona að þetta sé eitthvað sem hann getur yfirstigið.“