Jamie Carragher hefur sett saman stuttan lista yfir fjóra knattspyrnustjóra sem hann telur að Manchester United eigi að velja úr þegar félagið skipar nýjan fastan stjóra í sumar.

Á lista Carraghers eru Julian Nagelsmann, Thomas Tuchel, Luis Enrique og Eddie Howe. Fyrrverandi Liverpool-maðurinn setti fram skoðun sína í þættinum Monday Night Football á Sky Sports, þar sem hann fór yfir mögulega kosti fyrir United.

Michael Carrick, fyrrverandi miðjumaður United, er nú með liðið í bráðabirgðastjórn til loka tímabilsins og stýrði meðal annars 2-0 sigri á Manchester City í derby-leiknum um helgina. Þrátt fyrir það er ljóst að United hyggst ráða nýjan fastan knattspyrnustjóra að tímabilinu loknu, í stað Carricks og til lengri tíma litið Ruben Amorim.

Í þættinum fékk Carragher lista með 25 nöfnum, skipt í flokka eins og landsliðsþjálfara, þjálfara sem eru lausir og þá sem eru nú þegar með félagslið. Þar á meðal voru stór nöfn á borð við Carlo Ancelotti, sem stýrir Brasilíu, Thomas Tuchel með England, nýlega rekinn Real Madrid-stjóri Xabi Alonso og Oliver Glasner hjá Crystal Palace.

Carragher fór kerfisbundið yfir listann og strikaði út nánast alla nema þessa fjóra. Hann útskýrði jafnframt hvers vegna hann telur að hinir eigi ekk, eða muni ekki stýra Manchester United á næsta tímabili.