„Ég fékk fyrir mánuði síðan að það væri allt komið í rugl, leikmenn og stjórn ósáttir. Menn vildu ekki vinna saman,“ sagði Sigurður Gísli Snorrason í Dr. Football um tíðindina úr Grafarvogi um að búið væri að reka Úlf Arnar Jökulsson frá Fjölni.

Tíðindin komu mörgum á óvart enda stutt í að Íslandsmótið fari af stað en Úlfur gerði nýjan tveggja ára samning við félagið í október.

Hjörvar Hafliðason segir eftirsjá af Úlfi sem var á leið inn í fjórða tímabilið sitt með Fjölni þegar hann var rekinn. „Hann hefur gefið Lengjudeildinni mikið, gaman að fylgjast með honum,“ sagði Hjörvar.

Sigurður segir ekkert stórt hafa gerst. „Þetta hefur bara verið búið, það gerðist ekkert alvarlegt.“

Hjörvar segir það hafa verið mjög flókið að stýra Fjölni undanfarið og segir frá af hverju. „Það hefur verið krefjandi að stýra FJölni, við höfum heyrt af fjárhagsstöðu félagsins. Hann hefur verið í erfiðu giggi, þetta er maður sem kann inn á Lengjudeildina. Öflugir leikmenn sem þeir hafa verið að selja, sem hann hefur þjálfað. Það er eitthvað fyrir önnur lið að skoða.“