Eftir 3–1 tap Chelsea gegn Atalanta ræddi Enzo Maresca við TNT Sports og var svekktur yfir hvernig leikurinn þróaðist.

„Í fyrri hálfleik vorum við yfir og stjórnuðum leiknum vel. Svo fáum við á okkur tvö mörk á stuttum tíma, tvö auðveld mörk sem við hefðum getað komið í veg fyrir,“ sagði Maresca.

„Eftir fyrsta markið misstum við svolítið stjórn á leiknum. Við erum líka að spila á tveggja daga fresti og það sást að við áttum erfitt með það. Við reyndum þó að vera árásargjarnir.“

Chelsea fékk tækifæri til að koma sér í 2–0, meðal annars með dauðafæri hjá Reece James, en þegar Atalanta jafnaði breyttist leikurinn.

Um það að Trevoh Chalobah var tekinn af velli í hálfleik sagði Maresca. „Það var svolítið fyrirfram ákveðið, hann hefur spilað hvern einasta leik. Hann var líka kominn með gula spjaldið, þannig að báðar ástæður spiluðu inn í ákvörðunina.“