„Ég og stjórnin erum himinnlifandi með þetta eftir að hafa farið í gegnum gott ferli með þremur aðilum,“ sagði Þorvaldur Örlygsson formaður KSÍ við 433.is eftir fyrsta blaðamannafund Arnars Gunnlaugssonar í kjölfar þess að hann var ráðinn í gær.

Freyr Alexandersson kom einnig til greina og erlendur aðili, sem talið er að sé Bo Henriksen. „Allir þeir þrír sem við töluðum við hefðu orðið góðir kostir. En niðurstaðan er sú að Arnar var valinn og við erum mjög ánægð með það,“ sagði Þorvaldur.

Hann væntir mikils af Arnari og þakkar Víkingi fyrir góðar viðræður, en hann var auðvitað fenginn þaðan.

„Við vonum klárlega að Arnar komi hér inn með innspýtingu. Við höfum horft á hann gera mjög skemmtilega hluti í Víking, hvernig hann hefur höndlað hópinn og fengið fólk með sér.

Við áttum mjög gott samtal við Víkinga og eru mjög þakklát fyrir að fá Arnar til að taka við þessu starfi. Við erum viss um að þeir fá góðan einstakling til að taka við og vonandi gengur þeim vel áfram.“

Nánar er rætt við Þorvald í spilaranum.