Fyrsti þáttur vetrarins af Íþróttavikunni er kominn út og má hlusta á hann hér, sem og á helstu hlaðvarpsveitum.
Helgi Fannar Sigurðsson stýrir skútunni einn þennan veturinn og gestir hans í fyrsta þætti eru Kári Árnason, fyrrum landsliðsmaður og yfirmaður knattspyrnumála hjá Víkingi, og Jóhann Páll Ástvaldsson, íþróttafréttamaður á RÚV.
Í fyrri hlutanum er hitað vel upp fyrir komandi leiki íslenska karlalandsliðsins í undankeppni HM með Kára, sem var auðvitað lykilmaður í besta landsliði Íslandssögunnar fyrir nokkrum árum.
Í þeim seinni er farið yfir helstu fréttir og málefni líðandi stundar í heimi íþróttanna með Jóhanni.
Þess má geta að fyrstu þættir haustsins verða eingöngu á hlaðvarpsformi, en farið verður inn í myndver á ný við fyrsta tækifæri.
