Íslenska kvennalandsliðið endar EM í Sviss án þess að vinna leik en liðið spilaði við Noreg nú í kvöld.
Ísland var úr leik fyrir viðureign kvöldsins eftir tap gegn Finnlandi í fyrstu umferð og svo gegn Sviss í þeirri annarri.
Ísland skoraði þrjú mörk í leik kvöldsins sem dugði ekki til en Noregur skoraði fögur og endar riðilinn með fullt hús stiga.
Alexandra Jóhannsdóttir ræddi við 433.is í gær eftir tapið.
,,Þetta er ótrúlega svekkjandi. Við settum okkur markmið að komast upp úr riðlinum, settum okkur nýtt markmið að vinna Noreg, unnum ekki Noreg. Það er bara eins og það er,“ sagði Alexandra.
,,Mér fannst við byrja ótrúlega vel og fengum tilfinninguna ‘djöfull erum við að fara taka þær.’ Við vorum einu undir fyrir seinni hálfleik en fengum svo mark á okkur strax í byrjun seinni sem kýldi okkur aðeins niður á jörðina.“
