Íslenska kvennalandsliðið endar EM í Sviss án þess að vinna leik en liðið spilaði við Noreg nú í kvöld.

Ísland var úr leik fyrir viðureign kvöldsins eftir tap gegn Finnlandi í fyrstu umferð og svo gegn Sviss í þeirri annarri.

Ísland skoraði þrjú mörk í leik kvöldsins sem dugði ekki til en Noregur skoraði fögur og endar riðilinn með fullt hús stiga.

Þorsteinn Halldórsson, landsliðsþjálfari, ræddi við RÚV eftir leikinn og hafði þetta að segja.

,,Köflóttur leikur, við vorum í basli á köflum en gáfumst aldrei upp. Þær hlupu og djöfluðust og allt það en þetta var köflótt hjá okkur,“ sagði Þorsteinn.

,,Auðvitað erum við ekki sátt við úrslitin og að hafa ekki komist áfram og allt það. Það var markmiðið sem við settum okkur. Við og ég þurfum að skoða hvernig við getum gert hlutina betur.“

Þorsteinn var svo spurður út í eigin framtíð sem landsliðsþjálfari.

,,Mig langar að halda áfram með liðið, það er engin spurning en auðvitað þarf ég að setjast niður sjálfur líka og fara yfir hlutina með sjálfum mér og hvort að ég sé að gera nógu vel.“

,,Ég myndi að sjálfsögðu alltaf hafa sjálfan mig áfram.“