Það stefnir í að nokkur samkeppni verði um Federico Chiesa, leikmann Liverpool, í sumar ef marka má fréttir frá heimalandi hans, Ítalíu.
Chiesa gekk í raðir Liverpool frá Juventus í fyrra á aðeins 10 milljónir punda en spilaði lítið sem ekkert fyrir Englandsmeistarana.
Hann má því fara og hefur helst verið orðaður við Napoli, en Ítalíumeistararnir fá samkeppni ef marka má nýjustu fréttir. Bæði Mílanó-félögin hafa nefnilega áhuga og þá tvö önnur ónefnd félög til viðbótar.
Það gæti því orðið stríð um Chiesa í sumar og verðmiðinn þar af leiðandi hækkað.
