Goðsögnin Franck Ribery hefur svarað annarri goðsögn, Cristiano Ronaldo, eftir ummæli sem sá portúgalski lét falla.

Ronaldo tjáði sig um Ballon d’Or verðlaunin frægu en nokkrir leikmenn koma til greina í að vinna þau á þessu ári.

Ballon d’Or verðlaunin eru afhent þeim leikmanni á hverju ári sem hefur staðið sig best heilt yfir þegar tímabilið er skoðað.

Ronaldo hefur uinnið verðlaunin fimm sinnum á sínum ferli en hann vill meina að aðeins leikmaður sem vinnur Meistaradeildina eigi að verða fyrir valinu.

Ronaldo fór svo langt að segja að verðlaunin væru ekk i jafn virðingaverð og áður sem fór í taugarnar á Ribery.

,,Svo þú þarft að vinna Meistaradeildina til að vinna Ballon d’Or?“ skrifaði Ribery við ummæli Ronaldo og bætti við hlátursköllum.

Ribery hefur áður kvartað yfir þessum ágætu verðlaunum eða 2013 þar sem hann vildi meina að hann hefði átt þau skilið frekar eftir að hafa lent í þriðja sæti í valinu á eftir Ronaldo og Lionel Messi.