Reece James, fyrirliði Chelsea, var miður sín í gær er hans menn spiluðu við Real Betis í úrslitaleik Sambandsdeildarinnar.

James fékk ekki að byrja þennan leik þar sem Chelsea vann 4-1 sigur en kom þó inná sem varamaður og stóð sig með prýði.

Enzo Maresca, stjóri Chelsea, ákvað af einhverjum ástæðum að bekkja James fyrir leikinn en hann er talinn einn mikilvægasti leikmaður liðsins.

James viðurkennir að hann hafi átt erfitt með þessa ákvörðun Maresca sem kom mörgum á óvart.

,,Auðvitað var það hrikalegt að komast að því að ég væri ekki í byrjunarliðinu í úrslitaleiknum,“ sagði James eftir leik.

,,Ég vil spila hvern einasta leik en þetta er ákvörðun þjálfarans. Um leið og hann tók þessa ákvörðun þá þurfti ég að sætta mig við hana og vera tilbúinn þegar kallið kom.“