Það vakti nokkra furðu að Aron Sigurðarson fyrirliði KR var dæmdur í tveggja leikja bann fyrir að keyra inn í Andra Fannar Stefánsson leikmann KA.

Atvikið átti sér stað í leik liðanna á sunnudag en Aron fékk tveggja leikja bann frá aganefnd KSÍ í gær.

Rætt var um málið í Þungavigtinni í dag. „Mér þykir það, ef ég væri Óskar Hrafn núna þá myndi sjóða á mér. Hvað er í skýrslu dómarans, það var eitthvað ritað í hana sem verður til þess að aganefndin dæmir svona,“ sagði Kristján Óli Sigurðsson.

Kristján segir ekkert samræmi í dómum aganefndar og hefur lengi haldið því fram. „Samræðið hjá þessari aganefnd er aldrei neitt. Aron var skömmustulegur og virtist ekki segja neitt.“

„Aganefndin sjálf ætti að fara í ótímabundið bann, ég verð að auglýsa eftir því að Þorvaldur Örlygsson taki þarna til og stokki upp.“

Mikael Nikulásson fyrrum þjálfari KFA telur aganefndina hafa viljað þurrka af sér stimpil sem sumir hafa viljað klína á þá. „Ég held að aganefndin hafi ekki viljað láta bendla sig við kynþáttafordóma lengur. Guðmundur Kristjánsson fékk í fyrra einn leik í bann fyrir að bomba leikmann FH í andlitið.“

„Þetta er galið tveggja leikja bann, það er eins og stjórn FH sé að ákveða þessa refsingu sem mæta þeim í þriðju umferð. Ég hef séð 300 sinnum ljótari brot í þessari deild þar sem menn fá einn leik.“