Real Betis á að setja af stað söfnun til að kaupa Antony endanlega til félagsins.
Þetta segir Isco, leikmaður liðsins, en Antony er þar á láni frá Manchester United.
Antony gat lítið sem ekkert á tíma sínum hjá United, en hann var keyptur á um 85 milljónir punda frá Ajax 2022.
Síðan hann kom til Spánar hefur hann hins vegar skorað fjögur mörk og lagt upp jafnmörg í tólf leikjum.
Isco hrósaði kappanum í hástert í viðtali og grínaðist með að nú þyrfti að koma af stað söfnun til að eiga fyrir kaupverðinu á Antony.
