Bjarki Már Elísson, landsliðsmaður á handbolta, var gestur Helga Fannars og Hrafnkels Freys í nýjasta þætti af Íþróttavikunni á 433.is.

Víkingur spilar heimaleik sinn í útsláttarkeppni Sambansdeildarinnar gegn Panathinaikos líklega í Farum, skammt fyrir utan Kaupmannahöfn, á heimavelli Nordsjælland. Þar er undirlagið gervigras.

„Þetta er ekki of stór stúka sem er að mínu mati gott,“ sagði Hrafnkell.

Víkingur spilaði heimaleiki sína í Sambandsdeildinni fyrir áramót á Kópavogsvelli á undanþágu frá UEFA. Framkvæmdir á Laugardalsvelli standa yfir og hann því ekki nothæfur á meðan. Því er enginn löglegur völlur á Íslandi sem stendur.

„Það er önnur umræða en það er auðvitað skandall, að við séum ekki með stað undir þessa leiki, miðað við hvað íþróttir eru stór partur af okkar samfélagi,“ sagði Bjarki um málið, en mikil umræða hefur verið lengi um aðstöðumál fyrir boltaíþróttir í Laugardalnum og seinaganginn í þeim efnum.