Nokkrir aðilar sem komu að því að taka ákvörðun um framtíð Erik ten Hag höfðu áhuga á því að ráða Gareth Southgate sem næsta stjóra liðsins. Þetta kemur fram í grein The Athletic.

Ákveðið var í gær að halda sig við Ten Hag og gefa honum nýjan samning en félagið hafði íhugað að reka hann.

Sir Dave Brailsford sem hefur séð um málin hjá United eftir kaup Sir Jim Ratcliffe var einn af þeim sem vildi halda í Ten Hag.

Hann flaug til Ibiza um liðna helgi og átti fundi með Ten Hag þar, þeir ræddu málin og úr verður að Ten Hag heldur áfram með liðið og fær nýjan samning.

Ljóst er að Ten Hag hefur samt minni völd en náður og segir í grein The Athletic að hann hafi minna að segja um leikmannamál, þannig var það ákvörðun INEOS að láta Raphael Varane fara frítt í sumar.

Einnig kemur fram að Brailsford og félagar hafi íhugað alvarlega að reka Ten Hag eftir 4-0 tap gegn Crystal Palace undir lok tímabilsins.