Manchester United var betra lið undir Ole Gunnar Solskjær en undir stjórn Erik ten Hag – þetta segir Cesc Fabregas, fyrrum leikmaður Arsenal, Barcelona og Chelsea.

Ten Hag er talinn vera ansi valtur í sessi en gengi United á þessu tímabili og einnig frammistaðan hefur ekki heillað marga.

Hollendingurinn var ráðinn inn til að taka við af Solskjær en árangurinn hefur alls ekki batnað á undanförnum tveimur árum.

Fabregas telur að United hafi verið með ákveðið leikplan undir Solskjær en að staðan sé önnur undir Ten Hag.

,,Ég verð að viðurkenna að ég er ekki með tölfræðina á hreinu en undir Ole þá sýndu þeir góða frammistöðu í sumum stórleikjum,“ sagði Fabregas.

,,Þeir voru með eitthvað í uppbyggingu og voru með plan. Þú gast séð að planið var til staðar sem var að verjast vel og sækja hratt – það er það sem United er ekki með í dag.“