Alvaro Morata, leikmaður Atletico Madrid, hágrét í gær eftir að hafa verið skipt útaf gegn Sevilla.
Atletico tapaði þessum leik 1-0 en Morata náði ekki að klára fyrri hálfleikinn vegna meiðsla.
Spánverjinn var sárþjáður og fann mikið til en óvíst er hversu alvarleg meiðslin eru – útlit er fyrir að um hné leikmannsins sé að ræða.
Góðu fréttirnar fyrir Atletico er að Morata sást yfirgefa völlinn labbandi frekar en á hækjum en meira er ekki vitað að svo stöddu.
Næsti leikur Atletico er gegn Las Palmas um næstu helgi og er ólíklegt að Morata spili þá viðureign.