Liverpool hefur ákveðið að seinka því að byrja undirbúningstímabil sitt eftir andlát Diogo Jota í gær. Fyrstu leikmenn áttu að mæta í dag.

Jota og bróðir hans létust í bílslysi í gær þegar þeir voru á leið til Englands til að Jota gæti byrjað undirbúningstímabilið.

Liverpool hefur ákveðið að gefa leikmönnum tíma til að syrgja félaga sinn sem verður jarðaður í Portúgal á morgun.

Ekki hefur verið tekin ákvörðun um það hvenær liðið hefur æfingar til að undirbúa sig fyrir nýtt tímabil í ensku úrvalsdeildinni.

Jota var 28 ára gamall en hann var keyptur til Liverpool árið 2020. Hann lék áður með Wolves áður en hann fór til Liverpool.

Hann gekk í það heilaga fyrir tveimur vikum og átti þrjú börn með eiginkonu sinni.