Samkvæmt fréttum á Englandi í dag er stutt í það að lið í ensku úrvalsdeildinni verði í treyjum frá Jordan merkinu vinsæla sem unnið er í samstarfi við Nike.

Jordan merkið er frá hinum magnaða Michael Jordan sem er stærsta nafnið í sögu Nike sem hefur verið í samstarfi við fyrirtækið.

PSG hefur spilað í Jordan treyjum undanfarin ár og nú vill Nike og Jordan herja á enska markaðinn.

Fullyrt er að Nike hafi viðrað þessa hugmynd við bæði Chelsea og Totttenham sem eru með samning við Nike um treyjur.

Með Jordan merkinu kemur mikið af tískufatnaði sem hefur reynst PSG vel og félagið selt mikið af varningi.