Gylfi Þór Sigurðsson leikmaður Vals skilur ekki hvers vegna Kristian Nökkvi Hlynsson er ekki í stærra hlutverki í landsliðinu.

Kristian hefur spilað mikið með Ajax síðustu ár en misst út vegna meiðsla undanfarið.

Age Hareide hefur oft valið Kristian Nökkva í hópinn sinn en lítið spilað honum.

Gylfi var til viðtals í Dr. Football þar sem hann ræddi meðal annars um landsliðið. „Ég byrjaði seint í landsliðinu, ég veit ekki af hverju,“ sagði Gylfi.

Hann nefndi svo Kristian Nökkva sem svipað dæmi.

„Við erum með frábæran leikmann í Ajax í dag sem hefur ekki verið mikið með landsliðinu. Hann er bara geggjaður í fótbolta og á að vera í landsliðinu. Þetta er mismunandi á milli þjálfara.“