Íslenska landsliðið byrjar Þjóðadeildina vel en liðið vann góðan 2-0 sigur á Svartfjallalandi í kvöld.

Orri Steinn Óskarsson skoraði eina mark fyrri hálfleiksins með skalla eftir hornspyrnu frá Jóhann Berg Guðmundssyni.

Föstu leikatriðin héldu áfram að gefa í síðari hálfleik þegar Jón Dagur Sigurðsson stangaði knöttinn í netið eftir hornspyrnu Gylfa Þórs Sigurðssonar. Lokastaðan 2-0.

Þetta var fyrsti sigur Íslands í Þjóðadeild UEFA en Ísland er síðasta þjóðin í þeirri keppni til að vinna leik.

Íslenska liðið var miklu sterkari aðili leiksins þrátt fyrir að hafa oft spilað betur en í kvöld.

Einkunnir frá Laugardalsvelli eru hér að neðan.

Hákon Rafn Valdimarsson 7
Þurfti aldrei að taka á honum stóra sínum í leiknum en gerði allt vel

Alfons Sampsted 6
Smá skjálfti til að byrja með en kom sér ágætlega inn í leikinn.

Daníel Leó Grétarsson 7
Flottur leikur og framhald af því sem verið hefur í landsliðinu.

Hjörtur Hermannsson 6
Nokkrar skrautlegar sendingar í fyrri hálfleik en vann sig inn í leikinn.

Logi Tómasson 7
Mjög öflug frammistaða í fyrsta alvöru landsleik Loga í byrjunarliði.

Mikael Neville Anderson (´77) 6
Duglegur en vantaði gæðin á síðasta þriðjungi í fyrri hálfleik þar sem sendingarnar voru slakar.

Stefán Teitur Þórðarson 7
Harður í horn að taka og kemur með hæð á miðsvæðið sem getur nýst liðinu næstu árin.

Jóhann Berg Guðmundsson 7 – Besti maður vallarins
Stýrði spilinu vel og frábær hornspyrna í markinu hjá Orra.

Jón Dagur Þorsteinsson (´65) 7
Gerði vel í að taka markið sitt en var þess utan lítið í leiknum.

Gylfi Þór Sigurðsson (´65) 7
Frábær hornspyrna í öðru markinu en vantaði aðeins að finna Gylfa oftar í þeim svæðum þar sem hann getur sært andstæðinginn.

Orri Steinn Óskarsson (´88) 7
Tók skallan vel og sýndi takta inn á milli.

Varamenn:

Andri Lucas Guðjohnsen (´65) 6
Komst lítið inn í leikinn.

Arnór Sigurðsson (´65) 6
Ágætis kraftur en leikurinn róaðist mikið eftir skiptingar Íslands.