Fyrrum leikmaður Manchester United spilaði stórt hlutverk í að fá Leny Yoro til félagsins frá Lille í Frakklandi.

Það er Yoro sjálfur sem greinir frá en goðsögnin sjálf Rio Ferdinand var í sambandi við franska leikmanninn í sumar áður en hann skipti á Old Trafford.

Yoro segist hafa rætt við Ferdinand um United og félagið í heild sinni sem hjálpaði mikið í að taka ákvörðun.

,,Goðsögn Manchester United? Við getum talað um Rio Ferdinand, ég veit ekki hvort ég geti útskýrt það rétt en þessi náungi var stórkostlegur varnarmaður og frábær náungi,“ sagði Yoro.

,,Ég var að hringja í hann og vonast til að hitta hann bráðlega. Ekki í dag en vonandi á meðan félagaskiptaglugginn er í gangi.“

,,Hann hefur hjálpað mér mikið í að taka ákvörðun, hann útskýrði hversu stórt félag United svo það hjálpaði mér gríðarlega mikið.“