Það eru margir og mögulega flestir sem kannast við nafnið Andy Carroll sem spilaði um tíma með bæði Liverpool og enska landsliðinu.

Carroll gerði garðinn frægan með Newcastle áður en hann var keyptur til Liverpool þar sem hlutirnir gengu ekki upp.

Carroll er í dag 35 ára gamall og hefur fengið leyfi til að æfa á ný með franska félaginu Amiens þar sem hann er samningsbundinn.

Englendingurinn kom sér í vesen á dögunum en hann var myndaður á skemmtistað í London þar sem slagsmál áttu sér stað.

Sagt er frá því að Carroll hafi lent í útistöðum við ónefndan aðila áður en öryggisverðir þurftu að aðskilja þá tvo.

Amiens virðist ekki ætla að refsa Carroll fyrir hegðunina og sást hann skælbrosandi á æfingasvæði félagsins á föstudaginn.

Carroll var kominn í glas er myndband náðist af honum fyrir utan skemmtistað og má sjá að bolur hans er rifinn eftir slagsmálin.

Andy Carroll on a mad one in Mayfair, London 😭 #ReadingFC #WHUFC #NUFC pic.twitter.com/IEPhOZNxaS

— Ross G (@RossGibb_) July 3, 2024