Mark Diemers er einn af fáum sem hefur spilað undir stjórn Erik ten Hag og Arne Slot sem nú stýra Manchester United og Liverpool.
Diemers lék undir stjórn Ten Hag hjá Utrecht og svo undir stjórn Slot hjá Feyenoord.
„Ég vel Arne Slot frekar, ég get bara rætt mína upplifun. Ten Hag var magnaður í taktík og æfingarnar voru frábærar,“ segir Diemers.
„Á þeim tíma var hann ekki góður í mannlega hlutanum, það var samt fyrir sex sjö árum. Arne Slot var miklu betri í að ræða við menn.“
„Ten Hag hefur unnið fyrir stór félög og hlýtur að hafa bætt þennan þátt. Ég ræði stundum við hann í gegnum WhatsApp. Það er á hreinu að hann hefur bætt þann þátt.“
Slot tók við Liverpool í sumar en Ten Hag er að hefja sitt þriðja tímabil með Manchester United.
