Mikel Arteta, stjóri Arsenal, var spurður út í nýjan stjóra keppinauta sinna í Liverpool, Arne Slot og hvernig hann telji að Hollendingurinn muni breyta liðinu.
„Ég veit það ekki. Það er eitthvað sem hann og þau sem eru í kringum hann þurfa að svara. En velkominn í ensku úrvalsdeildina. Mér finnst hann frábær þjálfari,“ sagði Arteta.
Slot tók við af goðsögninni Jurgen Klopp í sumar. Arteta hefur oft mætt Klopp og mun sakna hans úr ensku úrvalsdeildinni.
„Það er auðvitað leitt að sjá Jurgen fara eftir allt sem hann hefur fært þessari deild. Ég held að karakterinn hans, hvernig hann spilaði og augnablikin sem hann bjó til á köflum séu fordæmalaus,“ sagði Arteta.
