Adam Lallana, fyrrum leikmaður Liverpool og Brighton, er búinn að skrifa undir hjá uppeldisfélagi sínu Southampton.
Lallana gerði garðinn frægan sem leikmaður Southampton en hann spilaði með liðinu frá 2000 til 2014.
Eftir það var Englendingurinn keyptur til Liverpool og hélt síðar til Brighton þar sem hann lék undanfarin fjögur ár.
Lallana er sóknarsinnaður miðjumaður en er 36 ára gamall í dag og er á síðustu metrunum í boltanum.
Hann á að baki 34 landsleiki fyrir England og tókst að skora í þeim þrjú mörk.
Southampton leikur í ensku úrvalsdeildinni í vetur en liðið komst upp í gegnum umspil Championship deildarinnar.
