„Ég ætla bara að segja það Gregg Ryder út!! gjörsamlega glataður þjalfari skömmustuleg frammistaða og uppsetning sorgleg staða,“ skrifar Michael Bragi Whalley stuðningsmaður KR í Facebook hóp félagsins í gærkvöldi eftir 3-5 tap gegn Val í Bestu deildinni.

KR er slakasta lið landsins á heimavelli og hefur aðeins sótt eitt stig af 15 mögulegum á heimavelli. Tapið gegn Val var ótrúlegt þar sem KR komst í 2-0 eftir sjö mínútna leik en svo hrundi leikur liðsins.

Ryder er á sínu fyrsta tímabili en liðið er eftir níu umferðir fjórtán stigum á eftir toppliði Víkings, staðan er því svört hjá félaginu sem vill berjast um alla titla. „Bara burt með þennan þjálfara og gaurinn sem datt í hug að ráða hann!!,“ skrifar Michael Bragi og sendir sneið á þá sem stýra félaginu.

Óskar er á sama máli. „Endurspeglar þetta ekki stjórnina hjá KR „BG og co eru að eyðileggja klúbbinn. Ef þessir vanvitar ráða Óskar Hrafn ekki kvöld þá er eitthvað mikið að ! Þvílíkur harmleikur!,“ skrifar Óskar í umræðunni.

Óskar Hrafn Þorvaldsson er draumur flestra stuðningsmanna KR og nú þegar hann er án starfs láta margir sig dreyma um að hann mæti aftur.

Ágúst stuðningsmaður KR svarar og segir að Óskar taki aldrei við KR. „Óskar Hrafn er aldrei að fara taka við KR núna því miður! En það þarf að sparka Gregg og fá einhvern til að stýra þessu út tímabilið..“

oskar-hrafn-skrifar-undir-hja-kr.jpeg

— Jón Kári Eldon (@jonkarieldon) June 3, 2024

Gunnar Örlygur segir að stjórnarmenn verði að axla ábyrgð. „Minni á orð eins stjórnarmanns KR þegar Gregg var ráðin. ,, hann kemur svo vel fyrir” Þar voru menn mikið upp með sér þegar þeir lýstu Gregg sem persónu. Ég vona bara að árangur KR sé mikilvægar en persónuleiki Gregg Ryders!!!!!!“.“